ذكريات الطفولة و الحمام المغربي

السلام عليكم  ليوما قصتنا على الحمام المغربي

الحمام المغربي 😂😂😂

فاش كنا صغار نكرهو شي حاجة سميتها الحمام علاش ؟؟

لاحقاش امهاتنا كانو ايعذبونا تعذيب كي يكون في تدواش

ربي اللي عالم بينا ملي تقولينا يلا نمشيو أو لا نوض دوش لينا في دار بالخصوص الحمام نمووووت من الخلعة ...ونبدا نقلب فين نتخباو ..🙈

تبدا رحلة التعذيب ملي تبدأ تزول لينا في  الحوايج...👕

تحيدلي التريكو تقول اتريش في الدجاج... ووذنيا كل وحدة فيهم فجيهة ...

ونقولها راهم ضروني والله...تجيني واحد التسرفيقة من حيث لا أدري ... اسكووووت 😠

أما بالنسبة للماء لازم ضروري ولابدا يكون تحت درجة الغليان ...💦💨

يا ماما آه يا ماما راكي طيبتيني ..👩

وهاهي التسرفيقة الثانية ... بللللع🤐😭

وملي تكون اتحك لي وجهي قسما بالله تقول اتحك في المصباح السحري تاع علاء الدين باش يخرج الجني اللي فيه ..😱

وراسي ايدووور من الليمين لليسار تقول الصفارة تاع الكوكوط ..

والمشكلة كي يهبطلي صابون على عينيا و تكون حابة تحيدولي اتبدلي الملامح تاع وجهي كاملين ...😨 وهادشي بلا العينين اللي يحرقوني ..😢

ونجيو ملي تشدلك نيفك وتقولك دير نننففففففف..🤥🤧     

اتولي تنفنف من ودنيك كل المجاري التنفسية مسدودة ...

#😲فقرة التكياس

دوز عليك الصابون البلدي أو ملي رطاب ليك الوسخ🤢

تشد الكيس و اتمشي فوق ظهرك وتهبط عليك تقول جزار ايمضي فموس الدبيحة...🔪

طبعا ربي اللي ايسترنا والله راه التكياس تاعها يجيب شلل رباعي ...😥

بشوية يا نبع الحنان❤ راني كا نحس بحلا كاتحكي فالفرماج الحمر ...

وملي تخرج من الدوش وتشوف وجهك فالمرايا وتشوف لحمك تيفور تقول كوكوط عاد فتحوها...😖

ريوس صباعك ايكونو مكمشين ولونك بين الحمر والبيض من كثرت الحكان ....😳

# 👕👖👚الآن فقرة تلبيس الحوائج

كي تبغي تلبسلك الحوايج . ياه ياااه.

راسك ايكون كبير ب خمسة المرات من الفم تاع التريكو وهيا بسيييف دخلوا باش تولي تحس بلي راهم ودنيك مشاو مع التريكو ...

اتلبسك الأول ويجي التريكو تاني وياك تم وياك ماتشبرشي يد تاع التريكو وتقولك شد باش تلبس اللي بعدو ...

انجيو لمشيط الشعر ...🙆

حفاظا على سلامة الرأس من القمل والشوائب لازم تحفر المشطة فالشعر وتما ايبدا الحرث الطبيعي وطبعا كاين احتمال أن السنان تاع المشطة يوصلو لمخك ...🤔😣

--------------------­----------

شكون داز عليه هاذ العذاب متنكروشي جايين من الترك

حمام نبع الحنان يااااااااااه😂😂😂

يدي تهرست من الكتبة والله ما نسمح لي قراتها وماتت     الضحك